Ystyried y buddion
Roedd y trafodaethau cychwynnol ynghylch y statws dinas yn Wrecsam yn canolbwyntio ar nodi'r manteision a'r anfanteision economaidd o fod yn ddinas.
Fodd bynnag, yn dilyn ymchwil pellach i hyn, mae wedi dod i'r amlwg nad oes llawer o waith ymchwil wedi'i gyhoeddi mewn perthynas â hyn - felly roedd yn anodd iawn dod i unrhyw gasgliadau ystyrlon.
Nid yw bod yn ddinas yn ymwneud â newid enw a hunaniaeth Wrecsam, mae'n ymwneud â chynyddu'r cyfleoedd y mae bod yn ddinas yn gallu eu cynnig i 'Wrecsam fel dinas'.
Mae Cyngor Bwrdeistref Sirol Wrecsam wedi gofyn am arbenigwyr economaidd annibynnol ddatblygu gyda phartneriaid a rhanddeiliaid strategaeth yn seiliedig ar le sy’n cynnwys fel un elfen sy’n archwilio effeithiau economaidd statws dinas ar drefi a dinasoedd o faint a chymeriad tebyg i Wrecsam.
Mae'r canfyddiadau'n dangos bod trefi sydd wedi newid i fod yn ddinasoedd wedi profi twf economaidd, ac mae dinasoedd newydd a oedd wedi paratoi cynlluniau a strategaethau hefyd wedi llwyddo i ddefnyddio eu statws newydd fel llwyfan i hyrwyddo buddsoddiad a chynyddu lefelau uchelgais.
Er nad yw'r statws dinas ei hun yn gallu sicrhau twf economaidd, mae'n cynnig cyfle i sefydliadau lleol, prifysgolion a cholegau, clystyrau diwydiannol a sectorau economaidd allweddol ddefnyddio'r statws dinas i godi eu proffil.
Eich cyfle chi
Mae Cyngor Wrecsam yn ystyried y syniad o ymgeisio am statws dinas ym mis Rhagfyr 2021, ond rydym yn awyddus i gasglu barn a syniadau pobl cyn gwneud penderfyniad.
Yr ymgynghoriad hwn yw eich cyfle i ddweud beth sy'n eich gwneud chi, y gymuned a busnesau lleol a budd-ddeiliaid allanol yn falch o Wrecsam, a sut hoffech chi weld yr ardal yn datblygu ei phroffil, cynyddu ffyniant a chreu naws am le cryfach.
Sicrhewch eich bod yn rhannu eich barn a'ch syniadau erbyn dydd Gwener, 29 Hydref.
Gallwch weld gwybodaeth gefndir a ffurflen gais Statws Dinas y Llywodraeth here.
Beth sy'n creu dinas?
Y meini prawf allweddol ar gyfer cais llwyddiannus yw'r gallu i brofi bod y dref/ardal yn haeddu'r wobr drwy ddangos:
- Hunaniaeth unigryw;
- Balchder bro;
- Isadeiledd diwylliannol, treftadaeth, hanes a thraddodiadau diddorol;
- Cymuned fywiog a chroesawgar;
- Hanes o arloesi;
- Trefniadau llywodraethu a gweinyddu cadarn;
- Cysylltiadau â'r Teulu Brenhinol;
- Trigolion neu gymunedau sydd wedi gwneud cyfraniadau sylweddol a gaiff eu cydnabod yn eang at isadeiledd cymdeithasol a diwylliannol.
Cwblhewch arolwg byr a defnyddiwch y map rhyngweithiol i bostio ffotograffau a nodi'r nodweddion sy'n rhoi'r argraff orau o Wrecsam.